अमेरिकामा ह्वात्तै बढे कोरोना संक्रमित र मृतक

काठमाडौं । कोरोना भाइरसको महामारी यतिबेला सारा विश्वमा नै व्याप्त छ ।

कोरोना भाइरसका कारण अहिलेसम्म ११ लाख ५४ हजार ७६१ जनाको मृत्यु भईसकेको छ भने ४ करोड २९ लाख २४ हजार ५३३ जनालाई संक्रमण भएको छ ।

त्यस्तै ३ करोड १६ लाख ६६ हजार ६८३ जना संक्रमण मुक्त भएका छन् भने विश्वमा ७७ हजार १९५ जनाको स्वास्थ्य अवस्था गम्भीर रहेको छ ।

यसैबीच अमेरिकामा हालसम्म २ लाख ३० हजार ६८ जनाको मृत्यु भएको छ भने ८८ लाख २७ हजार ९३२ जनालाई संक्रमण भएको छ ।

त्यस्तै ५७ लाख ४१ हजार ६११ जना संक्रमण मुक्त भएका छन् भने २८ लाख ५६ हजार २५३ जना उपचाररत छन् ।

अमेरिकामा १६ हजार ३६९ जनाको स्वास्थ्य अवस्था गम्भीर रहेको छ । अमेरिकाको टेक्सासमा हालसम्म १८ हजार २६ जनाको मृत्यु भएको छ भने ९ लाख ९ हजार ७४९ जनालाई संक्रमण भएको छ ।

त्यस्तै क्यालिफोर्नियामा ९ लाख ४ हजार ७५५ जनालाई संक्रमण भएको छ भने १७ हजार ३४५ जनाको मृत्यु भएको छ ।

त्यस्तै फ्लोरिडामा हालसम्म १६ हजार ४२७ जनाको मृत्यु भएको छ भने ७ लाख ७६ हजार २५१ जनालाई संक्रमण भएको छ ।

अमेरिकामा शनिवार मात्रै ७९ हजार ४४९ जना संक्रमित थपिएका छन् भने ७८४ जनाको मृत्यु भएको छ ।