महोत्तरी । ६ बर्षीय बालिकाको बलात्कार पछि हत्या गरिएको भन्दै बर्दिबासमा भइरहेको प्रदर्शनमा घाइते भएका मध्ये २ जनालाई थप उपचारको लागि काठमाडौँ ल्याइने भएको छ । प्रदर्शनमा प्रहरीको गोली लागि घाइते भएका ३ जना मध्ये दुईजनाको अवस्था गम्भीर रहेकोले हेलिकपटरमा काठमाडौँ ल्याइने भएको हो ।
घटनामा घाइते भएका बुद्धिराज न्यौपाने र श्याम कार्कीलाई थप उपचारको निम्ती राजधानी ल्याउन लागिएको हो । बर्दिबास नगरपालिका वडा नं १४ शुभमकी ६ वर्षीय बालिका गुलाब साह खातुन आइतबार साँझदेखि बेपता भएकी थिइन्। सोमबार मध्य रातमा बालिकाको शव बोरामा फेला परेको थियो ।
आक्रोशित स्थानियहरुले बलात्कार गरेर हत्या गरेको भन्दै शव लिएर सडकमा प्रर्दशन गरी रहेका छन् । स्थानीय बासिन्दाहरुले पक्राउ परेका अभियुक्तको घर समेत जलाइदिएका छन् ।
Discussion about this post