महोत्तरी । सर्लाहीमा गएराति भएको सवारी दुर्घटनामा एकजनाको मृत्यु भएको छ ।
जिल्लाको उत्तर पूर्वी क्षेत्रस्थित पूर्व–पश्चिम राजमार्गको बाँके जंगलमा भएको सवारी दुर्घटनामा महोत्तरीको मनरा सिसवा नगरपालिका १ का नागेन्द्र कुमार सिंहको मृत्यु भएको हो ।
जनकपुरबाट मलंगवाका लागि छुटेको ना ४ ख २७९६ नम्वरको बस र विपरीत दिशातर्फ गइरहेको प्रदेश २–०२–००१–च ०३१९ नम्वरको कार आपसमा ठोक्किदा दुर्घटना भएको प्रहरीले जनाएको छ ।
दुर्घटनामा गम्भीर घाईते भएका सिंहलाई उपचारका लागि लालबन्दीतर्फ ल्याउँदै गर्दा बाटोमा नै मृत्यु भएको ईलाका प्रहरी कार्यालय केशरगञ्ज बयलवासले जनाएको छ ।
मृतकको शव वुधवार राती नै पोष्टमार्टमका लागि जिल्ला अस्पताल मलङ्गवा पठाइएको छ ।
बस र त्यसका चालक बयलवास प्रहरीको नियन्त्रणमा छन् ।
