काठमाण्डौं । आज नेपालमा ८३० जना कोरोना संक्रमित थपिएका छन् ।
५ हजार १८१ जनामा गरिएको परीक्षणमा ती संक्रमित फेला परेका हुन् । आज उपत्यकामा मात्रै ३४८ जना संक्रमित थपिएका छन् ।
यो सगैँ कुल संक्रमितको संख्या २ लाख ४८ हजार ४ सय २३ पुगेको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए ।
यसै गरी आज थप १५ सय जना निको भएर फर्किएका छन्। योसहित कोरोनाबाट निको हुनेको संख्या २ लाख ३५ हजार ७ सय ३१ पुगेको छ। कोरोनाबाट निको हुनेको दर बढेको छ । आजको तथ्यांक अनुसार ९४.९ प्रतिशत संक्रमित निको भएका छन् ।
त्यस्तै, कोरोनाबाट पछिल्लो २४ घण्टामा ९ जनाले ज्यान गुमाएका छन् । योसँगै कोरोनाबाट मृत्यु हुनेको संख्या एक हजार ६ सय ९८ पुगेको छ।
अब देशभर सक्रिय संक्रमितको संख्या १० हजार ९९४ जना रहेको छ । ती मध्य संस्थागत आईसोलेसनमा ४ हजार ७६२ जना रहेका छन् ।
