काठमाडौं । नेपाल स्काउट प्रगतिशिल संघर्ष समितीले उपत्यकाका तीन जिल्लामा ताला बन्दी गरेको छ ।भक्तपुर जिल्ला स्काउट कार्यालयमा भएको स्काउट लिडरहरुको भेलाले तालाबन्दी गर्ने निर्णय गरेसँगै लैनचौर स्थित काठमाडौं जिल्ला कार्यालय, भक्तपुर जिल्ला स्काउट कार्यालय र भक्तपुर जिल्ला स्काउट कार्यालयमा ताला बन्दी गरिएको हो ।स्काउट भित्र गैर स्काउटहरुको हावी भएको भन्दै स्काउटको सम्पती रक्षाका लागि तालाबन्दी गरिएको बताइएको छ ।नेपाल स्काउटका राष्ट्रिय संयोजक लोकबहादुर भण्डारीको ठाडो आदेशमा जिल्ला बिगठन गर्दै सम्पती प्रदेश स्काउटलाई बुझाउन भनेको प्रति संघर्ष समितीले आपत्ति जनाएको छ ।गैर स्काउटहरु र राजनैतिक दलका कार्यकर्ताहरुको नेतृत्वमा प्रदेश कमिती गठन भएको र संस्थाको सम्पती प्रदेशलाई बुझाउन नहुने भन्दै तालाबन्दी गर्न बाध्य भएको संघर्ष समितीका संयोजक पुण्यराम गोथेले बताउँनु भयो ।
उहाले लैनचौर स्थित केन्द्रको जग्गा नै माफियाहरुबाट असुरक्षित रहेका बेला हरेक स्काउटको रगत पसिनाबाट बनाएको जिल्ला स्काउटको सम्पती गैर स्काउटको जिम्मामा दिन नसकिने बताउँनु भयो ।उता, ताला लगाएसँगै नेपाल स्काउटका संयोजक लोकबहादुर भण्डारीको आदेशमा केहि व्यक्तीहरुले ललितपुर जिल्लामा भने ताला फुटाएका छन् । ताला फुटाइए पनि स्काउटको सम्पती माथी गैर स्काउटलाई कब्जा गर्न नदिने संर्घष समितीले जनाएको छ ।साथै स्काउट भित्र गैर स्काउटहरुको मनोमानी र राजनैतिक क्रियाकलाप भएको भन्दै त्यस विरुद्धको आगामी शनिबार संघर्ष समितीले मौन प्रदर्शन समेत गर्ने भएको छ । समितीले व्यक्तिगत पूर्वाग्रहबाट माथी उठेर संस्थाको रक्षाका लागि एकजुट हुन समेत सम्पूर्ण स्काउटहरुलाई आव्हान गरेको छ ।
नेपाल स्काउटका संयोजक भण्डारीले गैर स्काउट नेकपाका पार्टी कार्यकर्ताहरुलाई प्रदेश समितिमा मनोनित गरेसँगै देशभरका स्काउट आन्दोलित बनेका छन् ।साथै भण्डारीलाई ६ महिना भित्रमा स्काउटको निर्वाचन गराइ सक्नु भनेर युवा तथा खेलकुद मन्त्रालयले जिम्मेवारी दिएको भएपनि ऐन जारी भएको २१ महिनासम्ममा पनि निर्वाचन नगरेको भन्दै उनलाई बर्खास्त गर्नु पर्ने पनि समितीको माग छ ।
Discussion about this post