महोत्तरी । महोत्तरी जिल्लाको रामगोपालपुर नगरपालिकाले अत्याधिक चिसो बढेपछि ६ दिनका लागि विद्यालयहरु बन्द गर्ने निर्णय गरेको छ ।

नगरपालिकाका निमित्त प्रमुख प्रशासकीय अधिकृत धिरेन्द्र लाल कर्णले अत्याधिक चिसो बढ्न गई नियमित विद्यालय सञ्चालनमा कठिनाई भएकाले ६ दिनका लागि नगरका सम्पुर्ण विद्यालय बन्द गर्ने निर्णय गरेको बताए ।उनका अनुसार नगरपालिकाभित्र रहेका सामुदायिक र संस्थागत दुवै विद्यालय ६दिनका लागि बन्द गरिएको हो ।

नगरपालिकाले वर्षे र हिउँदे बिदाबाट मिलान हुने गरी आइतबार देखि शुक्रबार ६ दिन का विद्यालय बन्द गर्ने निर्णय गरेको हो ।