सर्लाही : सर्लाहीको हरिवनमा यात्रु बस दुर्घटना हुँदा दुई जनाको मृत्यु भएको छ भने १७ जना घाइते भएका छन् । दाङबाट झापाको काँकडभिट्टा जाँदै गरेको ना ५ ख ४४८८ नम्बरको बस आज बिहान हरिवन नगरपालिका–४ मा दुर्घटना भएको हो ।

दुर्घटनामा दुई जना महिलाको मृत्यु भएको र उनीहरुको सनाखत हुन बाँकी रहेको जिल्ला प्रहरी कार्यालय सर्लाहीका डीएसपी एवम् प्रवक्ता मदन कुँवरले जानकारी दिनुभयो । घाइतेको उद्धारर गरी उपचारका लागि स्थानीय अस्पतालमा पठाइएको छ ।