जनकपुरधाम, बैशाख १७ । मुख्यमन्त्री लालबाबु राउतले प्रदेश लोक सेवा आयोगलाई कर्मचारी भर्ना प्रक्रिया अविलम्ब शुरु गर्न निर्देशन दिनु भएको छ ।

प्रदेश लोकसेवा आयोगले गरि रहेको कामकाजबारे जानकारी लिने उद्देश्यका साथ मुख्यमन्त्री निवास मधेश भवनमा आयोजित बैठकमा मुख्यमन्त्री राउतले सो निर्देशन दिनु भएको हो ।

आयोगले कर्मचारी भर्ना सम्बन्धि क्यालेण्डर जारी गरेकोमा धन्यवाद दिनु हुँदै मुख्यमन्त्री राउतले क्यालेण्डर अनुसारनै भर्ना प्रक्रिया शुरु गर्नु पर्ने बताउनु भयो ।

छलफलमा प्रदेश लोक सेवा आयोगका अध्यक्ष लगायतका पदाधिकारी एवं सचिवले आयोगले गर्दे आएको कामकाज बारे मुख्यमन्त्री राउतलाई ब्रिफिङ्ग गरेका थिए ।