झापा,
झापा जिल्लाको मेचीनगर नगरपालिका १५ कालिकास्थित सीमा ईलाकाबाट माघ २२ गते सशस्त्र प्रहरीले करीव १७ ग्राम खैरो हिरोईनसहित दुई जनालाई पक्राउ गरेको छ ।
पक्राउ पर्नेहरुमा भारतको दार्जिलिङ्ग बतासे ग्राम पञ्चायत घर बताउने २७ वर्षिय मोहमद सुल्तान र २७ वर्षिय रन्जित गणेश छन् ।
भारतबाट नेपालतर्फ आउँदै गरेका उनीहरुलाई सशस्त्र प्रहरी बल नेपाल बोर्डर आउट पोष्ट ज्यामिरेबाट खटिएको सशस्त्र प्रहरीले शंका लागि जाँच गर्दा उनीहरुको साथमा उल्लेखित परिमाणको खैरो हिरोईन फेला पारेको हो ।
पक्राउ परेका दुवै जनालाई बरामद खैरो हिरोईनसहित आवश्यक कारवाहीको लागि नेपाल प्रहरीलाई बुझाईएको छ ।