काठमाडौं  ; काठमाडौं महानगरपालिका–१ नक्सालमा एनआईसी एसिया बैंकको एटीएमबाट नगद चोरी गर्न लागेको अवस्थामा प्रहरीले एक जनालाई पक्राउ गरेको छ ।

भगवतीबहाल स्थित सगरमाथा इन्स्योरेन्स भवनमा रहेको एनआईसी एसिया बैंकको एटीएमबाट नगद चोरी गर्न एटीएम फोर्दै गरेको अवस्थामा सानोगौचरण बस्ने काभ्रे धुलिखेल नगरपालिका–७ घर भएका २१ वर्षीय आकाश तामाङलाई गएराति प्रहरीले पक्राउ गरेको हो ।

महानगरीय प्रहरी वृत्त मालिगाउँबाट खटिएको प्रहरीले आकाशलाई एटीएम फोर्न प्रयोग गर्ने औजार सहित फेला पारी पक्राउ गरेको हो । थप अनुसन्धान भइरहेको प्रहरी जानाइएको छ।