मधेशटप डेस्क, फागुन १८गते ।

हत्या गरेर फरार रहेका एक प्रतिवादीलाई जिल्ला प्रहरी कार्यालय बाजुराले ३० वर्षपछि पक्राउ गरेको छ ।पक्राउ पर्नेमा खप्तडछेडेदह गाउँपालिका २ का मिनबहादुर सिंह छन् ।

प्रहरीका अनुसार २०४८ साल असोज ६ गते भैसीले बाली खाएर भएको विवादपछि दोहोरो झगडा हुँदा शंकार धामीको मृत्यु भएको थियो ।

पुनरावेदन अदालत दिपायलले २०५४ सालमा जन्मकैद तथा सर्वोच्च अदालतले २०५७ सालमा १० वर्ष कैद फैसला गरे पनि सिंह फरार थिए ।

प्रहरीले उनलाई सोमबार कैलालीको धनगढीस्थित सन्तोषी टोलबाट पक्राउ गरी आज सार्वजनिक गरेको हो ।