उमेश कुमार साह : जेठ ८ आइतबार 

बोदे बर्साईन: सप्तरीको बोदे बर्साईन नगरपालिकाका नवनिर्वाचित नगरप्रमुख आतेश कुमार सिंहलाई प्रमाणपत्र वितरण गरिएको छ ।

निर्वाचन अधिकृतको कार्यालय बोदे बर्साईनले , बोदे बर्साईन नगरपालिकाका नगर प्रमुख आतेश कुमार सिंहलाई प्रमाणपत्र वितरण गरेका छन।

निर्वाचन अधिकृतको कार्यालय बोदे बर्साईनका प्रमुख तोमनाथ उप्रेतीले बोदे बर्साईन नगरपालिकाका नगरप्रमुख आतेश कुमार सिंहलाई अहिले प्रमाणपत्र वितरण गरेका छन। आज बेलुका चार बजे तिर नगरउपप्रमुख रेणु कुमारी साह , वडा अध्यक्ष र वडा सदस्य सहित ५१ नव निर्वाचित जनप्रतिनिधिलाई आज बेलुका चार बजे तिर कार्यक्रम राखी प्रमाणपत्र वितरण गर्ने प्रमुख उप्रेतीले बताए । नगरपालिकाको नगर प्रमुखको सपथ ग्रहण कार्यक्रम राजबिराजको मुख्य निर्वाचन अधिकृतको कार्यालय राजबिराजमा हुने भएकोले , नगर प्रमुख आए पछि नव निर्वाचित जनप्रतिनिधिलाई एक कार्यक्रम गरि प्रमाणपत्र वितरण गर्ने निर्वाचन प्रमुख अधिकृत उप्रेतीले बताए ।

प्रमाणपत्र ग्रहण गर्दै नव निर्वाचित नगरप्रमुख आतेश कुमार सिंहले आफूले भाषण भन्दा पनि काममा जोड दिने प्रतिबद्धता व्यक्त गरेका छन् । उनले सिंगो नगरवासीको भावनालाई बुझेर काम गर्ने बताए ।

प्रमुख निर्वाचन अधिकृत उप्रेतीले बधाई दिँदै नगरको विकासमा ठोस काम गर्न सुझाव दिएका थिए। उनले भौतिक विकाससँगै सामाजिक विकासलगायत नागरिकका आधारभूत आवश्यकता पुरा गर्न जोड दिए ।

बोदे बर्साईन नगरपालिकामा १० वटा वडा छन् । जसमा ३ वटा वडा जसपा नेपाल , एक वटा वडा नेकपा माओवादी केन्द्र , एक वटा वडा लोसपा नेपाल ,दुई वडा नेकपा एमाले र ३ वटा वडा नेपाली काग्रेसले जित हासिल गरेको छ