उमेश कुमार साह :बोदे बर्साईन :असार ०४ गते ।                         सप्तरीको बोदे बर्साईन नगरपालिका वडा नम्बर ५ स्थित बोदे बर्साईन बजारमा अबस्थित श्री हरिशंकर मन्दिरमा र बजारको हुलाकी सडकको वरिपरि नालाहरुमा रहेको फोहोर शनिबार सरसफाई गरिएको छ ।
समुदाय–प्रहरी कार्यक्रम अन्तर्गत प्रहरी , जनप्रतिनिधि र स्थानीय बासीले संयुक्त रुपमा मन्दिर र बजार सरसफाई गरेको हो । बिहान ९ बजे देखि बोदे बर्साईन नगरपालिका वडा नम्बर ५ का अध्यक्ष मो . मोजिबुर रहमानको अध्यक्षतामा शुरु भएको सरसफाइ कार्यक्रममा नेपाल प्रहरी , सशस्त्र प्रहरी, बोदे बर्साईन नगरपालिकाका जनप्रतिनिधि , नगर ब्यापार संघ बोदे बर्साईनका प्रतिनिधि , ग्लोबल लघुवित्तिय संस्थाका प्रतिनिधि, लाइफलाईन हस्पिटल बोदे बर्साईनका कर्मचारी र स्थानीय बासी गरि दर्जनौं जनाको सहभागीतामा २ घण्टा सम्म सरसफाइ गरेको स्थानीयले जनाएको छ । ईलाका प्रहरी कार्यालय बोदे बर्साईनका प्रमुख बरिस्ठ प्रहरी नायब निरीक्षक सुरेश पालको कमान्डमा खटिएका प्रहरी द्वारा समुदाय(प्रहरीको संयुक्त टोलिले मन्दिको वरिपरि र मन्दिर परिसर भित्र पुर्ण रुपले र बजारमा जनचेतनामूलक सहित सरसफाइ गरेको जनाएको छ । रन एण्ड फण्ट कार्यक्रम अन्तरर्गत ग्रिन र क्लिन बोदे बर्साईन नगरपालिका बनाउने अभियानका साथ धार्मिक प्रर्यटकिय स्थलको सरसफाइ गरिएको ईलाका प्रहरी कार्यालय बोदे बर्साईनका प्रमुख सुरेश पालले जानकारी गराए । सरसफाई कार्यक्रममा ईलाका प्रहरी कार्यालय बोदे बर्साईनका प्रमुख बरिस्ठ प्रहरी नायब निरीक्षक सुरेश पाल नेतृत्वमा बिहान ९ बजे देखि भएको थियो ।प्रत्येक शनिबार बिहान ८ बजे देखि यो सरसफाइ कार्यक्रम तथा जनचेतनामूलक कार्यक्रमको रुपमा निरन्तर राखिने प्रमुख पालले बताए ।