जलेश्वर : पिपरा जनता  अस्पतालमा २४ घण्टे आकस्मिक (इमरजेन्सी) सेवा सुरु भएको छ ।  पूर्व कृषि मन्त्री हरिनारायण यादवले अस्पतालको आकस्मिक सेवाको उद्घरटन गरेका हुन् ।

उद्घाटन समारोहलाई सम्वोधन गर्दै पूर्व मन्त्री यादवले पिपरा  गाउँपालिका र यस महोत्तरी जिल्लाभरिका  वासिन्दालाई पनि सेवा लिन पिपारा जनता  अस्पताल उपयुक्त हुने बताए ।

उनले पिपरा जनता  अस्पतालको स्तरोन्तीका लागि मधेश  प्रदेश सरकारको चासो र सरोकार रहने प्रतिवद्धता पनि व्यक्त  गरे । उद्घाटन समारोहमा प्रदेश सांसद अभिराम शर्मा , मधेश प्रदेशका मुख्य न्यायाधिवक्ता दिपेन्द्र झा, गाउँपालिका अध्यक्ष राम जानकी यादव र  उपमेयर वन्दना पाण्डेय सहित  वडाअध्यक्ष  लगायतले शुभकामना व्यक्त  गरेका थिए ।

कार्यक्रमको अध्यक्ष रहेका पिपरा गाउँपालिकाका प्रमुख  प्रशासकीय अधिकृत शम्भु ठाकुरले  भने सम्वृद्धिले केही समयमै नयाँ उचाइ लिने दावी गरे ।

कार्यक्रममा  अस्पतालका  डा.आशिस साहले  आउने दिनमा मधेश स्वास्थ्य विज्ञान प्रतिष्ठानको समन्वयमा बिज्ञ डा. हरुलाई यस अस्पतालमा निरीक्षण गराउने र  अस्पतालबाट गत बर्ष  भन्दा अब राम्रो गर्ने रहरका साथ आगाडी बढ्ने र यसलाई  सेवा मुखी बनाई जनतालाई शुलभ सेवा दिने भएको  जानकारी दिए ।

त्यस्तै,अस्पतालकाे इमर्जेन्सी इन्चार्ज डा.मनिका ठाकुरले भने  दैनिक ठिक ठिकै बिरामी अस्पतालमा आउने भएकाेले इमर्जेन्सी सेवा सेवाग्राहीकाे आवश्यता भएकाे बताए ।

यस अस्पतालमा  ओपिडी, इमर्जेन्सी, ब्लड चेक जाँच, प्रसुति सेवासहित  सयौं  वेडहरु सुविधा सहित इमर्जेन्सी सेवा संचालनमा ल्याइएकाे इमर्जेन्सी इन्चार्ज ठाकुरले बताए ।