मधेशटप,संवाददाता । मोटरसाइकल चोरीमा संलग्न ३ जनालाई प्रहरीले पक्राउ गरेको छ । पक्राउ पर्नेमा लहान नगरपालिका वडा नम्बर ३ का २० वर्षका नबिन कुमार महतो, २४ वर्षका राकेश राय र सिरहा नवराजपुर गाउँपालिका वडा नम्बर ३ जगतपुर का २२ वर्षीय सन्तोष कुमार यादव रहेका छ्न ।

ईलाका प्रहरी कार्यालय लहान सिरहाबाट खटिएको प्रहरी टोलीले विभिन्न फरक–फरक स्थानबाट को २६ प १८३६ नम्बरको सेतो रङ्गको अपाचे मोटरसाइकल र स ६ प १७७ नम्बरको खैरो रङ्गको सुजुकी जिक्सर मोटरसाइकल बरामद गरेको थियो । हराएको मोटराइकल बरामद भएसँगै उनीहरुलाई नियन्त्रणमा लिइएको प्रहरीले जनाएको छ ।

सिरहा जिल्ला अदालतबाट चोरी सम्बन्धी कसुरमा पाँच दिनको म्याद थप गरेर अनुसन्धान भइरहेको जिल्ला प्रहरी कार्यालय सिरहाले जनाएको छ ।