मधेश्टप,संवाददाता । नेकपा एमाले पार्टीका महोत्तरी जिल्ला अध्यक्ष तथा नेकपा (एमाले) पार्टीका केन्द्रिय सदस्य टेक बहादुर बलम्पाकीले नेकपा माओवादी पार्टीमा प्रवेश गरेका छन् ।

बलम्पाकीसहित प्रदेश सदस्य राजेन्द्र शाह, प्रदेश सदस्य भिम बहादुर आले, जिल्ला सदस्य दिल बहादुर किङ्गरिङ्ग, जिल्ला सदस्य बिक्रु पासवान लगायतले माओवादी पार्टीमा प्रवेश गरेका हुन् ।

नेकपा एमाले पार्टीमा हुकुम चलाउने प्रवृत्ति भएकोले माओवादी पार्टीमा प्रवेश गरेको बलम्पाकीले बताए ।  उनले भने , ‘एमाले पार्टीले जहिले पनि अरु पार्टीको खेदो खन्ने गरेको छ ,अरु पार्टीलाई गाली गलौज गर्ने गरेको छ ।  त्यसैले मैले यो पार्टी परित्याग गरेको हुँ । ‘

बलम्पाकीले माओवादी पार्टीको सिद्धान्त राम्रो भएकोले आफुले यसलाई रोज्न बाध्य भएको जिकिर गरेका छन् ।

टेक बहादुर बलम्पाकी भर्खरै स्थानिय तहको चुनावमा नेकपा एमाले पार्टीबाट बर्दिवास नगरपालिकाको नगर प्रमुखको प्रत्यासी पनि रहेका थिए ।

बलम्पाकीले माओवादी पार्टी प्रवेश गरे सँगै एमाले पार्टीलाई ठुलो झट्का लागेको छ ।