राजविराज, २४ पुस ।
उमेश कुमार साह
सप्तरीको बोदे बर्साईन नगरपालिका वडा नम्बर ५ स्थित ईलाका प्रहरी कार्यालय बोदे बर्साईनका प्रमुख प्रहरी नायव निरीक्षक गंगा राम चौधरीको सरुवा भएको छ । राजविराज स्थित जिल्ला प्रहरी कार्यालय सप्तरी सरुवा भएका चौधरीलाई आइतबार एक समारोहका बिच बिदाई गरिएको हो ।
ईलाका प्रहरी कार्यालय बोदे बर्साईनमा आयोजित कार्यक्रममा नवागंतुक प्रमुख प्रहरी नायब निरीक्षक सुरेश कुमार यादवले माला, टीका र गम्छा ओढाएर बिदाई गरे । बिदाई कार्यक्रममा बोल्दै नवागंतुक प्रहरी नायव निरीक्षक यादवले शुभयात्रा भन्दै चौधरीलाई शुभकामना दिए । जिल्ला प्रहरी कार्यालय सरुवा भएका प्रहरी नायव निरीक्षक चौधरीले ईलाका प्रमुखमा आएका प्रहरी नायब निरीक्षकलाई कार्यकालको शुभकामना व्यक्त गरे ।
आफ्नो कार्यकालमा भएको तितामिठा कुराहरुलाई स्मरण गर्दै उनले प्रहरीको कर्तव्य पालनको क्रममा भएका कार्यहरूबाट सेवाग्राहीहरुको मनमा ठेस पुगेको भए त्यसलाई आजै बिर्सिदिन आग्रह गरे । बिदाई समारोहमा स्थानीय भद्रभलाद्मी, व्यापारी,जनप्रतिनिधि संचारकर्मीहरुको समेत उपस्थिति रहेको थियो ।
तपाईको प्रतिक्रिया !