उमेश कुमार साह,
सप्तरी : सप्तरीको खडक नगरपालिका वडा नम्बर १० फुलवडियाद्वारा संचालित छैठो पच्चशिल्ड फुटवल प्रतियोगिता सम्पन भएको छ ।
सप्तरीको खडक नगरपालिका वडा नम्बर १० मा खेलमैदान निर्माणका लागि फुटवल खेल प्रतियोगिता आयोजना गरेको छ । स्थानीय यूवाहरुको सक्रियतामा माघ १३ गतेदेखि संचालित छैठौं पञ्चसिल्ड फुटबल प्रतियोगिता शनिबार सम्पन्न भएको हो ।
माघ १३ गतेदेखि संचालित फुटबल प्रतियोगिताको सम्पन्न फाइनल खेलमा बोदेबरसाइन वडा नं. ३ सारस्वरले खडक नगरपालिका वडा नं. ४ करमैनियाँलाई १ गोलले पराजित गरि उपाधि हात पारेको छ । खडक नगरपालिकाको बिशेष सहयोग र स्थानीय यूवाहरूको पहलमा आयोजित फुटबल प्रतियोगिताका बिजेता टिम सारस्वरले नगद ३१ हजार, प्रमाण–पत्र, मेडल र शिल्ड प्राप्त गरेको थियो भने उपबिजेता करमैनियाँले नगद २१ हजार, प्रमाण–पत्र, कप र मेडल प्राप्त गरेका थिए । निक्कै प्रतिस्पर्धामक खेलमा दुबै टिमबाट गोल हुन नसकेपछि खेललाई पलान्टीमार्फत छिनोफानो गरिएको थियो । पलान्टीमा खेलमा सारस्वर टिमबाट ५ गोल गर्न सफल भए भने करमैनिया टिमले ४ गोल मात्र गरे ।
बिजेता टिमलाई खडक नगरपालिका मेयर जयप्रकाश चौधरीले नगद, मेडल र शिल्ड प्रदान गरेका थिए भने उपबिजेता करमैनियाँ टिमलाई उपप्रमुख रिता कुमारी चौधरीले नगद, मेडल र कप प्रदान गरेका थिए । त्यसैगरी खेलकुदमा सहयोग गर्ने रेफ्री, सहायक रेफ्री र पोल जज र खेलकुदमा सहयोग गर्नेलाई सम्मान–पत्रले सम्मान गरिएको थियो ।
स्वस्थ्यका लागि खेल भन्ने मूल नाराका साथ आयोजित फुटवल खेलपछि फाल्गुन १३ गतेदेखि पुनः क्रिकेट प्रतियोगिता आयोजना गरिने खेलकुद समितिका अध्यक्ष शत्रुधन प्रसाद साहले जानकारी दिए । खेलमैदान बिस्तारमा करिव १६ लाख खर्च हुने भएकोले थप रकम क्रिकेट खेलबाट संकलन गरि खेल मैदान १ सय २० मिटर लम्बाइ र ८५ मिटर चौडाइ गरिने लक्ष्य रहेको अध्यक्ष साहले बताए ।
