जनकपुरधाम । धनुषा प्रहरीले लागूऔषधसहित दुई जनालाई पक्राउ गरेको छ ।
आइतबार दिउँसो डेढ बजे ढल्केवरबाट बर्दिवासतर्फ जाँदै गरेको प्र.२-०२-००३ प ७८७७ नम्बरको मोटरसाइकललाई चेकजाँच गर्ने क्रममा धनुषाको मिथिला नगरपालिका-८ जमुनिवासका ३५ वर्षीय मनोज कुमार महतो र सोही ठाउँका २२ वर्षीय सुजित कुमार महतोलाई लागूऔषधसहित पक्राउ गरिएको जिल्ला प्रहरी कार्यालय धनुषाले जनाएको छ ।
लागूऔषध नियन्त्रण ब्यूरो शाखा धनुषा तथा ईलाका प्रहरी कार्यालय ढल्केबरको संयुक्त टोलिले आइतबार दिउँसो करीब दुई बजेको समयमा उनीहरुलाई पक्राउ गरेको छ ।
पक्राउ परेकाहरुको साथबाट प्रहरीले जुटको बोरामा राखिएको प्रतिबन्धित लागू औषध एक्प्लोन सय एमएलको ९८ वटा बोतल र ७३ पत्ता (७३०पिस) नाइट्रोजम्पा औषधि बरामद गरिएको जनाइएको छ ।
पक्राउ परेकाहरुलाई जिल्ला प्रहरी कार्यालय धनुषामा राखेर अनुसन्धान भइरहेको जिप्रका धनुषाका सूचना अधिकारी वेदप्रसाद गौतमले बताए । यिनीहरुमाथि लागूऔषध विरुद्धको मुद्दामा अनुसन्धान भइरहेकोछ ।
तपाईको प्रतिक्रिया !