उमेश कुमार साह,
बोदे बर्साइन । सप्तरीको बोदे बर्साईन नगरपालिका वडा नम्बर १ धनगढीमा वर्थिङ सेन्टरको शिलान्यास सम्पन्न भएको छ ।
बिहीबार नगरपालिकाको आर्थिक सहयोगमा र नेपाल सरकारको सशस्त्र अनुदानमा धनगढी स्थित गाईज बिल्डर सिरहा कन्स्ट्रक्सन प्रा.लिले ६३ लाखको हराहरीमा निर्माण गरिने भएको प्रसूति भवन अर्थात् वर्थिङ् सेन्टर भवनको एक कार्यक्रमकाबीच शिलान्यास गरिएको छ ।
वर्थिङ सेन्टरको उद्घाटन गर्दै कार्यक्रममा प्रमुख अतिथि पूर्व मन्त्री तथा राष्ट्रिय सभा सदस्य मृगेन्द्र कुमार सिंह यादवले महिला र नवजात शिशुको स्वास्थ्यमा बर्थिङ सेन्टरले सकारात्मक प्रभाव पार्नेमा विश्वास व्यक्त गरे ।
कार्यक्रममा ईन्जिनियर दिनेश ठाकुर,सब ईन्जिनियर अजय कुमार चौधरी स्थानीय वासी ,पूर्व गा.वि.स अध्यक्ष राम अशिष यादव समाजसेवी,स्वास्थकर्मीलगायतको उपस्थिति रहेको थियो ।
