जनकपुरधाममा निधि कप हुने

जनकपुरधाम । जनकपुरधाममा राष्ट्रियस्तरको क्रिकेट प्रतियोगिता हुने भएको छ । यही जेठ दोस्रो सातादेखि महेन्द्र नारायण निधि स्मृति क्रिकेट टी-२० प्रतियोगिता हुन लागेको छ ।

मधेश प्रदेश क्रिकेट संघको आयोजनामा यही जेठ १५ गतेबाट शुरु हुन लागेको आयोजक संस्थाको अध्यक्ष हिरा भगतले जानकारी दिए ।
उनका अनुसार ११ औं राष्ट्रिय खेलकुद र जनकपुरधाम उपमहानगरपालिका १४ रजौलस्थित निर्माणाधीन रामजानकी अन्तर्राष्ट्रिय बहुउद्देशीय रंगशाला निर्माणलाई मध्य नजर गर्दै प्रतियोगिताहरु आयोजना हुन लागेको छ ।

यस प्रतियोगितामा नेपाल लोकतान्त्रिक खेलकुद संघ र जिल्ला क्रिकेट संघ धनुषासंग पनि सहकार्य गरिएको छ ।

प्रतियोगितामा विजेता टिमलाई तीन लाख रुपैयाँ र उपविजेताले दुई लाख हजार रुपैयाँसहित कप, मेडल र प्रमाणपत्र प्राप्त दिइने आयोजक संस्थाको तयारी छ ।

प्रतियोगितामा कुल ४० लाख लाग्ने अनुमान गरिएको छ । प्रतियोगिताको उद्घाटन नेपाली कांग्रेसका पूर्वउपसभापति विमलेन्द्र निधिले गर्ने बताइएको छ ।

यसअघि पहिलो महेन्द्र नारायण निधि स्मृति टी-२० राष्ट्रिय क्रिकेट प्रतियोगिता सप्तरीको राजविराजमा आयोजना गरिएको थियो ।