रौतहट । रौतहटमा गोली हानेर एक ज्येष्ठ नागरिकको हत्या गरिएको छ ।
जिल्लाको देवाही गोनाही नगरपालिका–१ करुनियामा पछाडिबाट गोली हानेर ७० वर्षीय शेख तैयबको हत्या गरिएको अवस्थामा बिहीबार बिहान शव फेला परेको जिल्ला प्रहरी कार्यालय रौतहटले जनाएको छ ।
बुधबार राति १२ बजेसम्म घरमै रहेका तैयब कसरी बाहिर गएको वा कसले उनलाई गोली हानेर हत्या गरेकोबारे यकिन हुनसकेको छैन । तैयबको शव घरबाट करिब एक किलोमिटर टाढा भेटिएको प्रहरीले जनाएको छ ।
उनको शव प्रादेशिक अस्पताल गौरमा परीक्षण गरी परिवारको जिम्मा लगाइएको तथा घटनाबारे अनुसन्धान सुरु गरिएको र परीक्षणको रिर्पोट आएपछि यसबारे थप जानकारी प्राप्त हुने प्रहरी उपरीक्षक वीरबहादुर बुढामगरले बताए ।
Discussion about this post