महोत्तरीमा एक जनाको मृत्यु

महोत्तरी । महोत्तरीमा झगडाका क्रममा कुटपिट हुँद एक जनाको मत्यु भएको छ ।

महोत्तरीको गौशाला नगरपालिका-१० वटौवाका ५५ वर्षीय छविलाल मण्डलको कुटपिटबाट मृत्यु भएको छ ।

गत मंगलबार दिउँसो खेतमा सैजन (मुनुङ्गा) काटेको विषयमा छविलाल र स्थानीय २५ वर्षीय विशाल महतो र २५ वर्षीय दुर्गा मण्डलबीच विवाद भएको थियो ।

त्यसक्रममा निधार र छातीमा चोट लागेर छविलाल गम्भीर घाइते भएका थिए ।

उनको उपचारको क्रममा बुधबार साढे तीन बजे प्रादेशिक अस्पताल जनकपुरमा मृत्यु भएको महोत्तरीका प्रहरी प्रवक्ता डिएसपी दिलीपकुमार गिरीले जानकारी दिए ।
कुटपिट गर्ने दुवै जनालाई पक्राउ गरी थप अनुसन्धान गरिरहेको जिल्ला प्रहरी कार्यालय महोत्तरीले जनाएको छ ।