जनकपुरधाम । मधेश आन्दोलन का क्रममा हत्या आरोप लागेका बन्दी को रिहाई र नागरिकता समस्या समाधानको लागि जन आवाज संघर्ष समिति द्वारा महोत्तरी का प्रमुख जिल्ला अधिकारी लाई जन आवाज संघर्ष समितिले ज्ञापन पत्र बुझाएको छ ।
मधेश आन्दोलन को क्रममा असई थमन बिक को हत्या आरोपमा महोत्तरी सदरमुकामका प्रदिप माझी,संजय साह र पवन कापर ८ वर्ष देखी जलेश्वर कारागारमा रहेको विषय लाई लिएर ज्ञापन पत्र बुझाउदै सरकारले उक्त मुदा बारे चाडै निकास गराउन पहल गर्न समितिले माँग गरेका छन ।
संघर्ष समितिले उक्त मुद्दामा रहेका कैयौ व्यक्ति जनप्रतिनिधि भई सकेको आरोप लगाउदै आम नागरिक लाई कैदी बनाएको प्रति उनिहरुले गुनाशो गरेका छन ।
समितिले नागरिकता विषय संघिय संसद बाट पास भई राष्ट्रप्रति द्वारा प्रमाणीकरण भएपनि विभिन्न षड्यंत्र मार्फ़त नागरिकता सम्बन्धी विषयलाई गिजोल्दै नागरिक लाई अनागरिक सरह व्यवहार गरिएको भन्दै उनिहरुले नागरिकता पाउने नागरिक हरुलाई यसरी षड्यंत्र को शिकार हुन बाट जोगाउन र नागरिकता सहजै पाउने वातावरण निर्माण गर्न सरकार सँग प्रमुख जिल्ला अधिकारी मार्फ़त ध्यानाकर्षण गराउन जन आवाज संघर्ष समितिले ज्ञापन पत्र बुझाएको जानकारी दिएका छन ।
जन आवाज संघर्ष समिति का शिवम कुमार झा, दिपेन्द्र मधेशी, केदारनाथ झा , सुभाष र कृष्णा पाठक लगायतका युवाहरुको सहभागिता रहेको थियो ।
Discussion about this post