भाटभटेनी बन्द

जनकपुरधाम । जनकपुरधाम उपमहानगरपालिका १४ मुजेलियास्थित भाटभटेनमा सेवाग्राहीको अत्याधिक भिँड हुने गरेको छ । शनिबार भिँड थाम्न नसकेपछि एउटा सिसाको प्रवेशद्वार नै फुटेको हो ।

सेवाग्राहीको भिँड थाम्न नसकेर दिउसो ३ बजेदेखि बन्द गर्नु परेको भाटभटेनीका व्यवस्थापक पुष्कल राइले जानकारी दिए । उनका अनुसार अत्याधिक भिड भएपछि तलको एउटा ढोका फुटेको थियो । तर अरु क्षति हुनबाट रोक्न र सेवाग्राहीको सुरक्षालाई ध्यानमा राखि बन्द गरिएको उनले बताए ।

‘सेवाग्राहीको निकै चाप थियो । हामीसँग उपलब्ध रहेको कामदारले सेवाग्राहीलाई सपिङ गराउन नसक्ने भएपछि बन्द गरेका थियौं,’उनले भने,‘व्यपार राम्रो भइरहेको छ ।’

कामदार थप्ने वा भिँडमा कसरी सेवाग्राहीलाई सेवा दिने विषयामा आफूहरु सञ्चालक समितिलाई जानकारी गराएको उनले बताए । तर आइतबारदेखि ७ः३० मा खोल्ने र राति ८ः३० मा बन्द गर्ने उनले जनाएको छ ।

नेपाल प्रहरी र ट्राफिकसहित एक दर्जन सुरक्षाकर्मीले त्यहाँ दैनिक सुरक्षा दिइरहेका छन् ।

भाटभटेनीको यही असार ६ गते शुभारम्भ भएको थियो । स्टोरको शुभारम्भको अवसरमा ग्रोसरीमा १० प्रतिशत र इलेक्ट्रिक सामानहरुमा २० प्रतिशत सम्म नगद छुटसँगै फ्रि होमडेलिभरी सुविधा दिने गरेको हुनाले पनि भिँड बढेको व्यवसथापकको अनुमान छ ।