जनकपुरधाम, असार २६ गते ।
मधेस प्रदेशसभा प्रदेशसभा सदस्य सरोजसिंह कुशवाहा आफ्नै दल नेतृत्वको सरकार बिरुद्ध खनिएका छन् ।
मंगलबार बसेको प्रदेशसभा बैठकमा बोल्दै कुशवाहाले वर्तमान सरकार कशिमनको खेलमा लागेको आरोप लगाए ।
मधेसका मुख्यमन्त्री सरोजकुमार यादवले शपथ ग्रहण गरेकै दिन भ्रष्टाचार बिरुद्ध शुन्य सहनशिलता अपनाएर बुलेट ट्रेनको गतिमा काम गर्ने प्रतिवद्धता व्यक्त गरेका थिए ।
यद्यपि उनकै दलका प्रदेशसभा सदस्य कुशवाहाले अहिले आएर त्यस्ता भाषण टिआरपीका लागि मात्रै रहेको सिद्ध भईरहेको बताए ।
कुशवाहाले भने ‘अहिले प्रदेश सरकार कमिशनमा चुर्लुम्म डुबेको छ, त्यसैले यहाँका जनता हामीलाई दलाल भनेर सम्बोधन गर्ने गर्छन् ।’ संघियताको अभ्यास शुरु गरेपछि प्रदेशमा दोस्रो कालका लागि हामी सरकार चलाई रहेका छौँ तर अझै प्रदेश सरकार उद्देश्यहिन रुपमा अगाडी बढिरहेको छ ।, कुशवाहाले भने ।
उनले प्रदेश सरकार शिक्षा, स्वास्थ्य, रोजगारी, कृषि, पर्यटन, कुन क्षेत्रमा काम गर्न खोजिरहेको छ त्यो न निति तथा कार्यक्रममा स्पष्ट छ, न त बजेटमै स्पष्ट रहेको बताए ।
मधेसको पूर्व राज्यमन्त्री समेत रहेका कुशवाहाले भने ‘आज मधेस आन्दोलनका शहीदहरु पनि रोइरहेका छन् होलान, के हामी यही दिन देख्नलाई सहादत दिएका थियौँ सोचेर ।’
Discussion about this post