‘मुखियापट्टीका अध्यक्ष जयकुमार भ्रष्ट छन्’

जनकपुरधाम । असारे विकास काम सम्पन्न नहुँदै भुक्तानीको नमुना धनुषाको मुखियापट्टी मुसहरनियाँ गाउँपालिकामा देखिएको छ ।

मुखियापट्टी मुसहरनिया गाउँपालिका -५ स्थित बहेडा टोलमा प्रदेश सरकारको सशर्त अनुदानमा निर्माण हुने पिसीसी ढलान सडकको निर्माण नसक्दिै भुक्तानी गरिएको आरोप लगाइएको छ ।

बहेडादेखि लवटोली जोडने सो बाटोको चेक गएको असार २४ गते काटेर भुक्तानी गरिसकिएको छ । तर निर्माण कार्य चाहीँ २६ गते रातिदेखि बुधबारसम्म गरिएको छ ।

स्थानीय अनिलकुमार यादवले निर्माण अघि नै भुक्तानी गर्नु गलत रहेको अरोप लगाएका छन् । उनले भने महिनौदिनसम्म काम थाति राखेको थियो । तर सरकारले निर्धारण गरेको समयावधि सकिएपछि हतार हतारमा कम रकममा कमसल काम गरेर बजेट कुम्ल्याइएको बताए ।

उनले भने भ्रष्टाचार गर्न गाउँपालिका अध्यक्ष जयकुमार यादवको निर्देशनमा उपभोक्ता समितिले लठैत लगाएर निर्माण कार्य गरेको छ ।

समयमा काम सम्पन्न नगरी रकम भुक्तानीपछि हतार हतारमा रातिमा कमसल काम गर्न लागेको स्थानीयले विरोध जनाउँदा ठेकेदारका लठैतहरुले प्रतिकार गरेको थियो ।

प्रमाणका लागि केही स्थानीयले मोबाइल फोटो तथा भिडियो खिच्न लाग्दा तिनीहरुको मोबाइलसमेत गाउँपालिका अध्यक्ष यादव भ्रष्ट रहेको स्थानीय अनिलले बताएका छन् ।

उनले भने एक त असारे विकास त्यसमा पनि रकम भुक्तानीपछि कस्तो गुणस्तरीय काम हुन्छ त्यो सहजै अनुमान लगाउन सकिन्छ । भ्रष्टाचार गर्ने उद्देश्यले गरिने निर्माण कार्यमा गाउँपालिका अध्यक्ष मतियारको रुपमा लठैतलाई स्थानीय विरुद्ध उतार्ने कार्य गलत रहेको आरोप स्थानीयवासीको रहेको छ ।

यसबारे वडाध्यक्ष कैलाश यादवले प्रदेश सरकारद्वारा ५० लाख र २५ लाख रुपैया गरी दूई चरणमा कार्य भएको हो । २५ लाखको काम पहिला नै भइसकेको र ५० लाखको काम जारी रहेको थियो । कहिले ढलान भयो थाहा भएन, चेक बनिसकेको आफूले थाहा पाएको हो । तर भुक्तानी अहिलेसम्म नभएको बताए ।

उनले भने असार २४ गते १२ बजे रातिमा गएपछि लेखापाल र प्रमुख प्रशासकीय अधिकृत अहिलेसम्म कार्यालयमा आएको छैन ।

चेक त बनेको छ तर अहिलेसम्म कसैलाई दिइएको छैन । कमसल काम भएको छ कि सही त्यो कुरा प्राविधिकले बताउने हो, आफूले भन्न मिल्दैन ।
यता गाउँपालिका अध्यक्ष जयकुमार यादवले निर्माण कार्य पहिला नै भइसकेको हो । केही ठाउँमा १० फिट जति हिलो भएको कारण छुटन गएको, प्राविधिकले मूल्यांकनमा ५० लाख मध्ये ७ लाख रुपैया कटापनि गरिसकेको छ ।

सोही बमोजिम चेक पनि बनेको छ तर दिइएको छैन । जहाँसम्म २६ र २७ गते निर्माण भएको कुरा हो त्यो मेरो घर नजिकै १० फिट जति छुटन गएपछि नगरपालिकाद्वारा सम्बन्धित ठेकेदारले ढलान गरेको हो ।