जनकपुरधाम । महोत्तरीको पिपरा गाउँपालिकाको कार्यपालिकाले आफ्नो नगर क्षेत्रलाई सुख्खाक्षेत्र घोषणा गर्न मधेश तथा संघ सरकारसंग माग गरेको छ ।
महोत्तरीका चर्चित युवा नेता तथा जसपा नेपालका जिल्ला प्रवक्ता राहुल पाण्डेयले सामाजिक सञ्जालमा -‘पिपरा गाउँपालिकालाई सुख्खा क्षेत्र घोषणा गर सरकार,किसानको लागि सोच सरकार, खाने पानीको व्यवस्थापन गर सरकार’ लेखेका छन् ।
युवा नेता पाण्डेयले भने मैले पोस्ट गरेको कुरामा गाउँपालिकाले पहल गर्नेनै छन् भने विश्वास लिएको बताए ।
नगर क्षेत्रमा १४ सय बिघा जग्गा रहेको छ भने त्यसमध्ये २ सय बिघामा धान रोपाइँ भएको युवा नेता पाण्डेयले बताएका छन् ।
नगर कार्यपालिकाको पूणर् बैठकले साउन दोस्रो साता बित्नै लाग्दासम्म पानी नपरेर मुख्य बाली धान लगाउन नपाएपछि नगर क्षेत्रलाई सुख्खाक्षेत्र घोषणा गरी तत्काल किसानलाई राहत कार्यक्रम दिन माग गरेको छ ।
“असार १५ अघि सकिनु पर्ने धान रोपाइँ यसपालि साउन मध्ये हुनलाग्दासम्म अघि बढ्न सकेन” गाउँपालिका अध्यक्ष रामजानकी यादवले भनो, “अब ठूलो अनिकालको लक्षण देखिएको बुढापाका भन्दछन्, त्यसैले हामीले सरकारको ध्यानाकर्षण गराएका छौँ ।”
नगर कार्यपालिकाको बैठकले नगरलाई सुख्खाक्षेत्र घोषणासँगै अब वैकल्पिक खेतीतर्फ किसानलाई अग्रसर गराउन, भोकमरी लाग्न नदिन पूर्वसजगता अपनाउन, राहत कार्यक्रम अघि बढाउन, किसानलाई धान लगाउन नपाएपछि गरिने अन्य खेतीका लागि बीउ, मल र सुलभ ऋणको प्रबन्ध गर्न माग गरेका छन् ।
त्यस्तै, नगरमा स्थायी सिँचाइको प्रबन्ध नहुँदा आकाशे पानीको भरमा यसपालि धान बाली लगाउन नपाइएको यादवले बताए ।
जिल्लाका १० पालिका र ५ गाउँपालिकामा यस्तै समस्या रहे पनि औपचारिक रूपमा सरकारसँग सुख्खाक्षेत्र घोषणा माग गर्ने दोस्रो स्थानीय तह हो ।
Discussion about this post