जनकपुरधाम । देवताहरूको प्राचीन भूमि धनुषाधामलाई प्राकृतिक, धार्मिक र सांस्कृतिक पर्यटकीय गन्तव्यका रूपमा विकास गर्न आवश्यक छ ।
मधेशको राजधानी जनकपुरधामबाट २० किलोमिटर पूर्व उत्तरमा अवस्थित ऐतिहासिक प्राचीन देवता धनुषधामको आकर्षणको केन्द्र रहेको अचम्मको धनुष मन्दिर, ३६० हेक्टर क्षेत्रफलमा रहेको धनुषधाम वन, ऐतिहासिक वनगंगा नदी, धनुष ताल, धनुष वाटिका, धार्मिक वनस्पति उद्यान पर्यटकका लागि थप आकर्षण बनेको छ ।
प्राकृतिक रूपमा धनी धनुषाधाम वनमा करीब २८६ प्रजातिका पंक्षी पाइन्छ, मिथिला वन्यजन्तु कोषका अध्यक्ष तथा जैविक विविधता संरक्षण इन्जिनियर देवनारायण मण्डल देवले बताए ।
धनुषाधाम जङ्गलमा करिब २७० प्रजातिका वनस्पति फल्ने गरेको वनस्पति अनुसन्धान केन्द्र धनुषाका प्रमुख ताहिर हुसेनले बताए ।
धनुषाधाम वनमा पर्यटन विकासका लागि अर्गानिक पशु फार्म, वन्यजन्तुका लागि भेटेरिनरी अस्पताल, बिरुवा प्रशोधन केन्द्र, जलचर वनस्पति फार्म र वनस्पति प्रयोगशाला निर्माण गर्नुपर्ने भएको छ ।
धनुषाधाम वनको संरक्षणका लागि मिथिला वन्यजन्तु कोष, जिल्ला वन कार्यालय, वन परिक्षेत्र पोस्ट धनुषाधाम र स्थानीयवासीले २०१० सालमा धनुषाधाम संरक्षित वन परिषद् गठन गरी उजाड वनको संरक्षणमा महत्वपूणर् भूमिका खेलेका थिए ।
स्वदेशी तथा विदेशी पर्यटकको आकर्षणको केन्द्रका रुपमा विकास गर्न प्रदेश सरकारले वैज्ञानिक प्रविधिसहितको योजना बनाउनुपर्ने भएको छ ।
Discussion about this post