जनकपुरधाम । ट्राफिक प्रहरी पोष्ट मुजेलियाले पछिल्लो समय सवारी ब्यवस्थित तरिकाले चेकजाँचमा कडाइ गरेको छ ।
सडक सुरक्षा चेकजाँच अन्तर्गत सडक दुर्घटना न्यूनीकरणका लागि सवारी चेकजाँचमा कडाइ गरिएको छ ।
महेन्द्र राजमार्ग अन्तर्गत मुजेलियामा राजमार्ग सडकखण्ड सहज बनेसँगै तीव्र गतिमा सवारी साधन चलाउने क्रम बढेको छ ।
तीव्र गतिका कारण सडक दुर्घटना दिनप्रति दिन बढ्दै गएकोले त्यसलाई न्यूनीकरण गर्न मुजेलिया ट्राफिक प्रहरी पोष्टले नियमित चेक जाँच तथा मान्छेलाई समझाइ बुझाइ गाडी चलाउन आग्रह गरेका छन् ।
प्रहरी सहायक निरीक्षक शैलेन्द्र ठाकुरले मधेशटपसंग कुरा गर्दै भने, ‘बढ्दो सवारी दुर्घटनालाई न्यूनीकरण गर्न ट्राफिक प्रहरी पोष्ट मुजेलियाले सवारी सुरक्षा चेक जाँचलाई कडाइ गरिएको छ ।’
सडक दुर्घटना बढ्दै गएपछि सवारी दुर्घटना न्यूनीकरण तथा नियन्त्रणका लागि सडकमा विभिन्न किसिमिका चेक जाँच लगायतको कार्यलाई समेत तीव्रता दिएको उनले बताए ।
उनले भने, ‘सवारी साधनको चाप दिनानुदिन बढ्दै गएको छ । ओभर टेकका साथै मादक पदार्थ सेवन गरेकालगायतका विभिन्न समस्याले सवारी दुर्घटनामा ज्यान गुमाउनेको संख्या पनि बढ्दै गएको छ ।
सवारी दुर्घटना हुने प्रमुख कारणहरुमा चालकको लापरबाही, मादक पदार्थ सेवन गरी सवारी साधन चलाउनु, सडक सेन्टरको अभाव, मौसमको खराबी, ओभरटेक, ट्राफिक नियमको उलंघन तथा ट्राफिक नियममा चेतनाको अभाव, क्षमता भन्दा बढी यात्रु बोक्ने, सवारी चालक अनुमतीपत्र बिना सवारी चलाउनु दुर्घटनाको प्रमुख कारण रहेको उनको भनाइ छ ।
तपाईको प्रतिक्रिया !