प्रिया कर्ण
जनकपुरधाम । जनकपुरधाम उपमहानगरपालिका–२५ बभनगामास्थित श्री कण्टीर झा नमूना माध्यमिक बिद्यालयको व्यवस्थापन समितिको निर्वाचन शान्तिपूर्ण रूपमा सम्पन्न भएको छ ।
शुक्रबार अबेर राति सार्वजनिक गरिएको मतगणनाको परिणाम अनुसार खुला सदस्य तर्फ सुरेश कुमार मण्डल तथा मो.कलाम विजयी भएका छन् ।
मण्डल २ सय ४६ मत ल्य ाई विजयी भएका छन् भने कलाम २ सय ३८ मत प्राप्त गरी विजयी भएका मतदान अधिकृत श्रीचन्द्र साहले जानकारी दिएका छन् ।
त्यस्तै मतपरिणाम अनुसार महिला सदस्य तर्फ राम कुमारी तथा निरो देवी पासवान विजयी भएकी छन् । रामकुमारीले २ सय ३७ मत प्राप्त गरेकी छन् भने निरो देवी पासवानले २ सय ३५ मत ल्याई विजयी भएकी छन् ।
त्यसैगरी प्रतिस्पर्धी मो.कमरुद्दिनले २ सय १३,उदय कुमार मण्डल १ सय ९९,रोसिल देवी मण्डल २ सय तथा फेकनी देवीले १ सय ९८ मत प्राप्त गरेको मतदान अधिकृत साहले बताए ।
७ सय ४९ जम्मा मतदाता रहेकोमा ४ सय ९३ मत खसेको थियो । खसेको मत मध्ये २९ मत बदर भएको बताइएको छ ।
सो विद्यालयमा १ हजार भन्दा बढी विद्यार्थीहरु अध्ययनरत रहेका छन् ।
Discussion about this post