- उमेश कुमार साह
बोदे बर्साईन । जनता समाजवादी पार्टी(जसपा) नेपाल बोदे बर्साईन नगर कमिटीले संगठन सुदृढिकरण अभियान अन्तरगत शुभकामना आदानप्रदान कार्यक्रम गरेको छ । पार्टीका केन्द्रिय, प्रदेश, जिल्ला, पालिका र वडास्तरका नेताहरुको उपस्थितिमा भएको बिजया दशमी , शुभ दिपावली तथा छठ पर्वको पावन अवसरमा शुभकामना आदानप्रदान कार्यक्रममा केन्द्रीय सर्कुलर अनुसार सुज अभियानलाई अघि बढाउनुपर्नेमा जोड दिएका थिए ।
कार्यक्रममा पार्टीका प्रदेश सदस्य मनोज कुमार यादवले संगठन सुदृढिकरण अभियानलाई अघि बढाउनुपर्नेमा जोड दिए । घर घरमा पुगेर जनतालाई पार्टीसित जोड्न स्थानीय कार्यकर्ताहरुलाई उनले निर्देशन समेत दिए ।
जसपा नेपाल बोदे बर्साईन नगर समितिका अध्यक्ष अरुण कुमार यादवको अध्यक्षतामा भएको शुभकामना आदानप्रदान कार्यक्रममा पार्टीका केन्द्रीय सदस्य गिता यादवले संगठन विस्तार कार्यक्रमलाई प्रभावकारी रुपमा अघि बढाउनुपर्नेमा जोड दिए । संगठनप्रति आकर्षण बढ्दै गएको जिकिर गर्दै उनले कार्यकर्ताहरुलाई सक्रिय हुनुपर्ने धारणा राखे ।
सो अवसरमा जिल्ला कार्यकारिणी सदस्य तथा जिल्ला सुदृढिकरण अभियानका प्रतिनिधि राजेश्वर प्रसाद रायले संगठन सुदृढिकरण अभियानको विषयको बारेमा प्रष्ट तथा ब्याख्या गरेकाछ्न । कार्यक्रममा वडा अध्यक्ष सुनित कुमार यादव ,पार्टीका महिला संघका जिल्ला अध्यक्ष तथा केन्द्रिय सदस्य रमिला साह , पार्टीका प्रदेश सदस्य प्रभाकर यादव , जसपा नेपाल सप्तरी जिल्ला क्षेत्र नम्बर ४ का संयोजक अरबिन्द कुमार यादव , नगर उपप्रमुख तथा का.वा मेयर रेणु कुमारी साह , जिल्ला अध्यक्ष केदार प्रसाद यादव , वडा अध्यक्ष मो. मोजिबुर रहमान , तपसी यादव लगायतको संगठन सुदृढिकरण अभियान अन्तर्गत सुज कार्यक्रम संचालन गर्न कार्यकर्ताहरुमा आग्रह गरे ।कार्यक्रमका संचालक स्थानीय नेता सुरेन्द्र प्रसाद यादवले गरेका थिए ।
Discussion about this post