उमेश कुमार साह
सप्तरी । सप्तरीको बोदे बर्साईन नगरपालिका वडा नम्बर २ स्थित श्री बाबा दिनाभद्री युवा फुटबल टिम बैरिया,नेगडा,योगिया द्वारा संचालित ११ औं फुटवल प्रतियोगिताको आज एक कार्यक्रमको बीच उद्घाटन भएको छ ।
आज बुधबार देखि आयोजना गरिएको शुभ दीपावली तथा छठ पर्वको उपलक्ष्यमा संचालित ११ औं फुटबल प्रतियोगिता २०८० उद्घाटन भएको छ। बोदे बर्साईन नगरपालिकाको कार्यवाहक नगर प्रमुख रेणु कुमारी साहको प्रमुख अतिथिमा आज बुधबारका दिन खेलको उद्घाटन भएका हुन।
११ औं फुटवल प्रतियोगिताको उद्घाटनखेलमा खेलकुद समितिको अध्यक्ष सुदिप चौधरीको अध्यक्षता भएको थियो ।
उद्घाटन कार्यक्रममा बोल्दै प्रमुख अतिथि साहले पर्यटन प्रवर्द्धनका निम्ति यो फुटबल प्रतियोगिता उपयोगसिद्ध हुने धारणा राखे । उद्घाटन कार्यक्रममा बिशिस्ट अतिथिहरुमा बोदे बर्साईन नगरपालिकाका प्रमुख प्रशासकीय अधिकृत दिलिप कुमार यादव , नगर शिक्षा अधिकृत राम सागर यादव ,नगरपालिकाका जनप्रतिनिधि , वडा अध्यक्ष, स्थानीय नेता अमरेन्द्र प्रसाद यादव , ईलाका प्रहरी कार्यालय बोदे बारसाईनका प्रमुख प्रयाग चौलागाईं , सशस्त्र बेस क्याम्प बोदे बर्साईनको प्रमुख ,विभिन्न पार्टीका राजनैतिक कर्मी ,कर्मचारी , व्यापारी, बुद्धिजीवी,पत्रकार,महिला तथा स्थानीयको उपस्थित रहेको थियो ।
कार्यक्रमलाई उध्घोसक स्थानीय नेता अरबिन्द कुमार यादवले खेलाडीहरु एवं पाहुना दर्शकहरुलाई शब्दद्धारा स्वागत गरेको थियो ।
आज भएको पहिलो चरणको उद्घाटन खेलमा श्री मुसहर्निया सामुदायिक युवा क्लब खडक नगरपालिका वडा नम्बर ८ सप्तरी र श्री राजाजी बाबा फुटबल क्लब मोहनपुरको बीचमा भएका थिए ।
यो खुल्ला फुटवल प्रतियोगितामा सहभागी हुन विभिन्न नगरपालिका,जिल्ला , प्रदेश बाट राष्ट्र तथा अन्तराष्ट्रिय स्तरका खेलाडीहरु यतीखेर श्री शत्रुध्न मा बिधालयको खेलमैदानमा देखिएका छन् ।
खेल प्रतियोगितालाई हेर्न जिल्लाका विभिन्न भाग लगायत छिमेकी जिल्लाहरुबाट समेत उल्लेखिय संख्यामा दर्शकहरुको भिडलागेको छ ।
खेलमैदान आसपास क्षेत्रमा विभिन्न भागबाट आएका मानिसहरु देशीविदेशी खेलाडीहरुको खेल हेर्न उत्सुकताका साथ जुटेको छन् ।
Discussion about this post