जनकपुरधाम । प्रदेश २ सरकारले ल्याएको प्रदेश कृषि विश्वविद्यालय सम्बन्धी अध्यादेश बहुमतले स्वीकृत भएको छ ।

बिहिवार बसेको प्रदेशसभा बैठकमा सामाजिक विकासमन्त्री नवल किशोर साहले प्रस्ताव गरेकाे कृषि विश्वविद्यालय सम्बन्धी अध्यादेश २०७८ बहुमतले स्वीकृत भएको उपसभामुख उपमादेवले घोषणा गरेकी छिन् ।

छलफलका क्रममा सत्तारुढ दल नेपाली कांग्रेसका प्रदेशसभा सदस्य शिवचन्द्र चौधरीले अध्यादेश ल्याउने तरिका लगत भएपतन विद्येयक नै रद्द गर्नुपर्ने आवश्यकता नरहेको धारणा राखेका थिए ।

प्रमुख प्रतिपक्षी दल लोसपाका सांसद जानकी शरण साह, रानी शर्मा तिवारी र अभिराम शर्माले प्रदेश सरकारले ल्याएको अध्यादेशमा आफ्नो विरोध रहेको बताएका थिए । उनीहरूले सामान्य स्थितिमा समेत अध्यादेश ल्याउनु लाेकतान्त्रिक प्रक्रियाकाे उल्लंघन भएकाे बताएका थिए ।