नेपाली क्रिकेटका लागि मंगलबार अर्को इतिहास रच्ने मौका छ। मंगलबार ओमानमा हुने टी(२० विश्वकप छनोटअन्तर्गत युएईविरूद्धको सेमिफाइनल जित्न सके नेपाल टी(२० विश्वकपमा स्थान पक्का गर्नेछ।
हारले नेपालको विश्वकप खेल्ने सपना चकनाचुर हुनेछ। यसपटकको टी(२० विश्वकपमा आगामी अक्टोबरमा अस्ट्रेलियामा आयोजना हुँदैछ।
यो अवसर नेपाललाई ८ वर्षपछि आएको हो। नेपालले पछिल्लो पटक सन् २०१४ को आइसिसी टी(२० विश्वकप खेलेको थियो। सन् २०१३ मा भएको छनोट पार गरेर पहिलो पटक विश्वकप खेलेपछि नेपालमा क्रिकेटको उचाइ ह्वात्तै बढेको थियो।
त्यसयता भने नेपाल विश्वकपमा छनोट हुन सकेको छैन। पछिल्लो १० वर्षमा पाँचौ पटक विश्वकप छनोट खेलिरहेको नेपालले दोस्रो पटक विश्वकपमा स्थान बनाउन समानस्तरको प्रतिद्वन्द्वी युएईलाई हराउन सहज भने छैन।
Discussion about this post