• बिपिन कुमार यादव

जनकपुरधाम । तराई÷मधेसमा दाईजो तथा तिलक लेनदेन गरेर विवाह गर्ने जातिमध्ये यादव पनि एक हो । सामान्य काराबार हुने यादवका छोराको बिहेमा ५÷७ लाख तिलक लिनुु प्रायः सामान्य मानिन्छ ।

तर सोही जातिका एकजना पशु चिकित्सक डाक्टरले बिनादाईजो बिहे गरेर उदाहरणीय काम गरेका छन् ।

धनुषाको पुर्वी भेग शहिद नगरपालिका २ डरखोरिया बस्ने डा. बिनोद यादवले बिनादाईजो बिहे गरेर सिङ्गो समाजमा उदाहरणीय बनेका छन् ।
जयप्रकाश यादवका छोरा बिनोद यादव र जनकपुर उपमहानगरपालिका ७ नमस्कार चौक निवासी भुवनेशवर यादवको छोरी प्रिति कुमारी यादवका बीच सोमबार राति चौधरी विवाह भबनमा आदर्श विवाह भएको हो ।

यादव जातिमा ब्यापत सामाजिक कुरीति हटाउन पहल गर्दै डाक्टर बिनोद र प्रितिको विवाह ‘दहेज’ विना नै गराउन समाजले महत्वपूर्ण भूमिका खेलेको नवीन गोहिबार यादवले जानकारी दिए ।