झापा । झापाको मेचीनगर नगरपालिका–७ मेचीखोला बगरबाट लागुऔषध खैरो हिरोईन ब्राउन सुगर सहित दुई जना पक्राउ परेका छन्  । पक्राउ पर्नेमा सोही स्थानका १८ बर्षीय राज सुबेदी शर्मा र मेचीनगर ८ का २० बर्षीय सौगात राई रहेका छन् ।

विशेष सुराकीका आधारमा लागुऔषध व्युरो काकड्भिट्टाबाट खटिएको प्रहरी टोलीले उनीहरुलाई आइतबार विहान सवाँ ६ बजे पक्राउ गरेको हो । पक्राउ परेसँगै उनीहरुमा माथि चेकजाँच गर्ने क्रममा ४ ग्राम खैरो हिरोईन ब्राउन सुगर समेत फेला पारी बरामद गरिएको जिल्ला प्रहरी कार्यालय झापाले जनाएको छ ।

पक्राउ परेका दुबै जनामाथि कानुनी कारबाही अगाडि बढाईएको प्रदेश १ प्रहरी कार्यालय विराटनगरले जनाएको छ ।