सिरहा, भदौ १८ गते ।
सिरहाको गोलबाजर नगरपालिका ४ निपनियाँ बस्ने ४० वर्षीय दुखरण महराको हत्या भएको छ ।
नेपाल– भारत सीमापारीको जयनगर बजारमा हत्या भएको अवस्थामा शव फेला परेको हो ।
सिरहा स्थित दशगजासंगै जोडिएको भारत बिहार मधुवनी जिल्ला स्थित जयनगर बजार नजिक धारिलो हतियार प्रहार गरी घाँटी रेटिएको र शरीरको विभिन्न भागमा गहिरो चोटपटक लागेको अवस्थामा शुक्रबार शव फेला परेको हो ।
महरा बिहीबार नै घरबाट पैसा लिएर मोटरसाइकल किन्न निस्केका थिए । उनका जेठो छोरा विमल महराका अनुसार घरबाट निस्किनु अघि आमासंग विवाद भएको थियो ।
युवकको शव फेला परेपछि उनको डायरीमा लेखिएको नम्वरको आधारमा नेपाली भएको पहिचान भएको हो । त्यसपछि भारतीय प्रहरीले नेपाल प्रहरीसंग समन्वय गरी घटना विषयमा जानकारी गराएका हुन् ।
शव पोस्टमार्टमको लागि जयनगरकै सरकारी अस्पतालमा राखिएको जनाइएको छ । महराको हत्या पश्चात घर शोकमा डुबेको छ ।
उनको परिवारमा श्रीमती, ३ छोरा र एक छोरी रहेका छन् ।
Discussion about this post