सर्लाही : सर्लाहीमा एक थान पेस्तोलसहित ५ राउन्ड गोली बरामद भएको छ ।
सशस्त्र प्रहरीले शुक्रबार सर्लाहीको लालबन्दी नगरपालिका ५ स्थित रेल्वे ट्रयाकबाट एक थान कटुवा पेस्तोल र सोमा लाग्ने ५ राउण्ड गोली बरामद भएको हो ।
सशस्त्र प्रहरी सुरक्षा बेस क्याम्प हरिवनबाट प्रहरी नायब उपरीक्षक दीपेन्द्र थापाको कमाण्डमा खटिएको गस्ती टोलीले प्रदेश न २–०२–००४ प ७७५७ नम्बरको अपाचे मोटरसाइकलसहित पेस्तोल बरामद गरेको हो ।
मोटरसाइकल चेकजाँच गर्दा लेगार्डमा झुन्ड्याएर राखेको झोलामा एकथान कटुवा पेस्तोल र ५ थान गोली बरामद भएको सर्लाहीका सशस्त्र प्रहरी उपरीक्षक गंगाराम श्रेष्ठले जानकारी दिए ।
बरामद हतियार र मोटरसाइकल अनुसन्धानका लागि इलाका प्रहरी कार्यालय लालबन्दीमा बुझाइएको उनले बताए ।
Discussion about this post