भ्रष्टाचार नगर्छु, नगर्न दिन्छु : हिरा

जनकपुरधाम, वैशाख २५ ।

नेकपा एमालेबाट जनकपुरधाम उपमहानगरपालिकाको नगरप्रमुखमा उम्मेदवारी दिएका शिवशंकर साह हिराले न भ्रष्टाचारा नगर्ने र गर्नपनि नदिने प्रति प्रतिवद्धता व्इक्त गरेका छन् ।

उनले जनकपुरधामा उपमहानगर भित्र भ्रष्टाचारबिरुद्ध शुन्य सहनशिलता अपनाइने बताए ।

नगरलाई भ्रष्टाचार मुक्त बनाउनकै लागि नगरप्रमुखमा आफ्नो उम्मेदवारी रहेको बताए ।

संघियता स्थापित भएपछि भएको स्थानीय तह निर्वाचनबाट जनकपुरधामले पाएको जनप्रतिनिधिहरु भ्रष्टाचारमा चुर्लुम्म डुबेको तीतो अनुभव जनकपुरवासीको रहेकाले भ्रष्टाचार मुक्त जनकपुरधाम बनाउन आफू अग्रसर भएको दावी गरे ।

उनले आफू नगरप्रमुखमा निर्वाचित भए उपमहानगरपालिकाको कार्यालयमा भ्रष्टाचार बिरुद्ध शुन्य सहनशिलताको सिद्धान्तलाई पालन गर्ने वचनवद्धता व्यक्त गरे ।

उनले भने ‘आफू नगरप्रमुखमा निर्वाचित भए उपमहानगरको कार्यालयका साथै अन्य कार्यालयहरुमा हुने भ्रष्टाचारमाथी समेत रोक लगाउन पहल गर्ने छु ।’

जनकपुरधाम धार्मिक नगर रहेकाले यहाँका मठ मन्दिरहरुलाई व्यवस्थित गरेर पर्यटकीय नगरीको रुपमा विकास गर्ने उनले अठोट व्यक्त गरे ।

आफ्ना यीनै एजेण्डाहरुका साथ एमालेको जनकपुरधाम उपमहानगरको नगरप्रमुखका उम्मेदवार हिरा वडा नम्बर २५ लोहना र वडा नम्बर १६ कपिलेश्वरका मतदाताहरु समक्ष पुगेका थिए ।

उनले मतदाताहरुलाई जनकपुरधामको सर्वांगिन विकासका लागि निस्वार्थ भावले काम गर्ने वचनवद्धता व्यक्त गरे ।

घरदैलोमा उनीसंगै एमालेको उपप्रमुखका उम्मेदवार रुना झाको समेत सहभागिता रहेको थियो ।