उमेश कुमार साह :९ असार बिहीवार

बोदे बर्साईन । सप्तरीको बोदे बर्साईन नगरपालिका वडा नम्बर ५ मा आठौं अन्तर्राष्ट्रिय योग दिवसको अवसरमा नगर पतंजलि योग समिति बोदे बर्साइनले गत बैशाख ३० गते सम्पन्न स्थानिय तह निर्वाचनमा बोदे बर्साईन नगरपालिकामा निर्वाचित जनप्रतिनिधिहरुलाई बधाई तथा सम्मान गरेको छ ।

बिहिवार बोदे बर्साईन बजार स्थित पतंजलि योगाभ्यास केन्द्रमा एक कार्यक्रमको आयोजना गरि नगर समितिले स्थानिय तह निर्वाचन २०७९ मा बोदे बर्साईन नगरपालिकाको निर्वाचित भएका जनप्रतिनिधिहरुलाई बधाई तथा सम्मान गरेको हो ।

बोदे बर्साईन नगरपालिकाका नगर प्रमुख आतेश कुमार सिंहको प्रमुख अतिथि तथा बोदे बर्साईन नगर पतंजलि योग समितिका अध्यक्ष संजीव कुमार अग्रवालको अध्यक्षतामा नवनिर्वाचित जनप्रतिनिधीहरुलाई सम्मान गरिएको हो ।

कार्यक्रममा निर्वाचित जनप्रतिनिधिहरुलाई बधाई तथा शुभकामना दिदै बोदे बर्साईन नगरपालिकाका स्वास्थ संयोजक तथा नगर समितिका महामन्त्री बैजनाथ साहले आगामि ५ बर्षे कार्यकालमा जनताको पक्षमा रहेर काम गर्न सुझाव दिनुभयो । पतंजलि योगाभ्यास केन्द्र बोदे बर्साईन नगरपालिका अन्तर्गत सम्पुर्ण वडामा बिस्तार गर्न जनप्रतिनिधिलाई आग्रह गरेका छन।

कार्यक्रमका प्रमुख अतिथी समेत रहनुभएका सिंहले जनताले विस्वासका साथ जनप्रतिनिधि चुनेकाले कसैको पक्ष वा विपक्षमा नभई सम्पुर्ण नागरिकका आवश्यकताको पहिचान गरि सर्वपक्षीय काम गर्नुपर्नेमा अग्रसर बन्न निर्वाचित जनप्रतिनिधिहरुलाई सुझाव दिनुभयो । हामी नगरपालिकाको तर्फबाट नगर भरी वडाहरुमा पतंजलि योगाभ्या केन्द्रको व्यवस्थापन मिलाउने कुरा कार्यापालिकामा राख्ने कुरा व्यक्त गर्नु भएका छन।

कार्यक्रमका विशिष्ट अतिथि बोदे बर्साईन नगर उपप्रमुख रेणु कुमारी साह , पतन्जली योग समितिका केन्द्रिय युवा प्रभारी लोकनाथ खनाल, जिल्ला अध्यक्ष रामसोरुप चौधरी , जिल्ला महामन्त्री बिजय चौधरी , अतिथिमा वडा अध्यक्ष राज कुमार साह , राम प्रसाद राम , शिव नारायण यादव , मो मोजिबुर रहमान , राज कुमार यादव ( बिरेन्द्र) , बैजनाथ चौधरी , तपसी यादव र सुनित कुमार यादव लगाएतका निवाचित जनप्रतिनिधि लाई बधाई तथा सम्मान गरेका छन