बोदे बर्साईनमा नगर स्तरिय राष्ट्रपति रनिङ्ग शिल्ड खेलकुद प्रतियोगिता उद्घाटन

उमेश कुमार साह
११ असार शनिबार

सप्तरीको बोदे बर्साईन नगरपालिका वडा नम्बर— ५ मा रहेका श्री चन्द्रा नमुना माध्यमिक विद्यालयको खेलमैदानमा नगर स्तरिय राष्ट्रपति रनिङ्ग शिल्ड खेलकुद प्रतियोगिता सुरु भएको छ ।

उक्त प्रतियोगिताको उद्घाटन नगर उपप्रमुख रेणु साहले गरेका हुन् । सो कार्यक्रममा नगर शिक्षा अधिकृत रामसागर यादव, खेलप्रतियोगितमा सहभागी विद्यालयका प्रधानाध्यापकहरुको सहभागीता रहेका थियो । आज भएको ४०० मिटरको शर्ट रनिङ्गमा छात्रा तर्फ राष्ट्रिय आधाभूत कुशमहारकी पुजा कुमारी चौधरी प्रथम, चन्द्रा नमुना माध्यमिक विद्यालयकी पम्पु यादव द्धितीय, राजाजी माध्यमिक विद्यालय काचन कि आरती कुमारी साह तृतय स्थान हासिल गरेकी छिन् ।
प्रतियोगिता बोदे बर्साईन नगरपालिकाको सहयोगमा ग्रामिण वातावरण विकास तथा गरिबी उन्मुलन संस्था राजविराले आयोजना गरेको थियो । कार्यक्रमको अध्यक्षता आयोजक संस्थाका अध्यक्ष दिनेश कुमार साहले गरेको थियो । प्रतियोगिता १० र ११ गते गरि दुई आयोजना गरेकोछ ।