मधेशटप,गौशाला  । महोत्तरीको गौशाला नगरपालिका वडा नम्बर १० का पूर्व वडा अध्यक्ष शेख महमद जलिल नेकपा माओवादी केन्द्र परित्याग गरी जनता समाज पार्टी (जसपा) मा प्रवेश गरेका छन् ।

जनता समाज पार्टी (जसपा)ले महोत्तरी जिल्लाको सदरमुकाम जलेश्वरमा शनिबार आयोजना गरेको पार्टी प्रवेश कार्यक्रममा पूर्व वडा अध्यक्ष शेख महमद जलिल जनता समाज पार्टी (जसपा)मा प्रवेश गरेका हुन् ।

पूर्व वडा अध्यक्ष शेख महमद जलिललाई जसपा पार्टीका राष्ट्रिय अध्यक्ष उपेन्द्र यादवले पार्टी प्रवेश गराएका थिए ।

स्थानिय तह २०७४ का निर्वाचनमा माओवादी केन्द्रबाट गौशाला नगरपालिका वडा नम्बर १० का वडाध्यक्ष पदामा निर्वाचित भएका थिए । एक कार्यकाल पुरा गरि दोस्रो कार्यकालका लागि स्थानिय तह २०७९ मा १७९ मतले पराजित भएका थिए ।