प्रधानमन्त्री देउवासँग सिके राउतको भेट, सरकारमा जाने सहमति

उनले ट्वीटरमा भनेका छन्, ‘अहिले भर्खरै जनमत पार्टीका अध्यक्ष, डा. सिके राउतलाई लिएर प्रधानमन्त्री शेर बहादुर देउवासंग बालुवाटारमा भेट गराएर फर्कदै छु । दुवैजनामा सकारात्मक र परिणाममूलक वार्ता भएको छ। गठबन्धन र काँग्रेस संग संघिय र प्रदेश दुवै तहमा सहकार्य गर्ने र सरकारमा सामेल हुने सहमति भएको छ।’

पाँच दलीय गठबन्धनको स्पष्ट बहुमत नआएकाले सरकार बनाउन कठिन भएसँगै सत्तारुढ दलहरु विशेष गरी काँग्रेसले गठबन्धनबाहिरका अन्य साना दलसँग सहकार्य गर्न दौडधसप बढाएको छ । डा. राउत सहकार्य गर्न सहमत भएसँगै गठबन्धनलाई केही राहत भएको छ ।

डा. राउतले सप्तरी–२ मा जनता समाजवादी पार्टीका अध्यक्ष उपेन्द्र यादवलाई हराउँदै पहिलो प्रयासदै संघीय संसदमा निर्वाचित भएका थिए । डा. राउतको पार्टीले समानुपातिकतर्फ पनि ३ प्रसितशतको थ्रेसहोल्ड कटाइसकेकाले राष्ट्रिय पार्टी बन्ने पक्का भएको छ । उनले संघीय संसदमा कम्तीमा ४ सांसदको नेतृत्व गर्नेछन् ।