सर्लाही: सर्लाहीको हरिपुर नगरपालिका–२, सखुवामा दुईवटा जंगली हात्ती देखा परेका छन् ।

दुई दिनदेखि देखा परेका जोडी हात्तीले मुखैमा आइसकेको धान बाली क्षति पुर्याउन थालेपछि त्रास सिर्जना भएको स्थानीय ध्रुवप्रसाद प्रसाईले जानकारी दिए । उनका अनुसार हात्तीले स्थानीय तारा बलको धान बाली खाएर तथा खुदेर नष्ट गरेको छ ।

दैलोमै चाडपर्व आएको बेला जंगली हात्ती आएर त्रास सिर्जना गर्ने र बाली सखाप पार्न थालेपछि स्थानीय निराश बनेका छन् ।

सर्लाहीको हरिपुर, घुर्कौली, जानकीनगर, मूर्तिया, रानिगन्ज, लालबन्दीलगायत क्षेत्रमा वर्षेनि यसैगरी जंगली हात्ती आएर व्यापक क्षति गर्ने गरेका छन् ।