काठमाडौं । बेलायतले फेरि लकडाउनको घोषणा गरेको छ । कोरोना भाइरसको संक्रमण बढेसँगै बेलायतले तीन तहको लकडाउनको घोषणा गरेको हो ।
बेलायतका प्रधानमन्त्री बोरिस जोन्सनले सोमवार जोखिमको आधारमा तहगत लकडाउन गर्ने निर्णय गरेको बताएका छन् । तहगत लकडाउन अनुसार मध्यम, उच्च र अति उच्च रहेका छन् ।
जोन्सनको घोषणाअनुसार बेलायतको लिभरपुल सबैभन्दा जोखिमपूर्ण क्षेत्रमा परेको र त्यहाँका होटेल, रेष्टुराँ जिमलगायतका स्थानहरु बन्द गरिएको छ ।
जोननले नयाँ लकडाउन लगाइनुको उद्देश्य मानिसहरुलाई घरमा बन्द नगरी कोरोना नियन्त्रण रहेको बताएका छन्।
बेलायतमा हाल कोरोनाबाट ४२ हजा ८७५ जनाको मृत्यु भएको छ भने ६ लाख १७ हजार ६८८ जनालाई कोरोना संक्रमण भएको छ ।
