काबुल । अफगानिस्तानको राजधानी काबुल स्थित काबुल विश्वविद्यालयमा भएको बन्दुकधारीको आक्रमणमा परी कम्तीमा २२ जनाको मृत्यु भएको छ ।
हिजो (सोमबार) भएको हमलामा थप २२ जना घाइते भएका अफगान सरकारका प्रवक्तालाई उदृत गर्दै बिबिसीले जनाएको छ ।
आक्रमणमा संलग्न तीन बन्दुकधारी र सुरक्षाकर्मी बीच घण्टौँसम्म गोली हानाहान भएको र उक्त तीन बन्दुकधारीको मृत्यु पछि मात्र आक्रमण रोकिएको अफगानिस्तानको गृह मन्त्रालयका प्रवक्ताले बताएका छन् ।
यसैबीच, इस्लामिक अतिवादी समूह इस्लामिक स्टेटले आक्रमणको जिम्मा लिएको छ । एक वक्तव्य निकाल्दै नास्तिक अफगान सरकारका पदाधिकारीलाई लक्षित गरेर आक्रमण गरिएको इस्लामिक स्टेटले जनाएको छ ।
अर्को अतिवादी समूह तालिबानीले भने हमलाको भर्त्सना गरेको छ । अफगान सरकारले आज राष्ट्रिय शोकको घोषणा गरेको छ ।
