जनकपुरधाम :  महोत्तरीको बलवा नगरपालिकामा गोली चलेको छ।

आज स्थानीय तहको निर्वाचन अन्तर्गत भइरहेको मतदानको क्रममा जिल्लाको बलवा नगरपालिका वडा नं। ५ को मतदानस्थलमा विवाद हुँदा प्रहरीले एक राउण्ड गोली प्रहार गरेका हुन्।

जिल्ला प्रहरी कार्यालय महोत्तरीका प्रवक्ता प्रहरी नायव उपरीक्षक प्रकाश विष्टले बलवा-५ स्थित मनसिव महावीर आधारभूत विद्यालयमा रहेको केन्द्रमा जनता समाजवादी पार्टीबाट वडा नं। ५ का उम्मेदवार धमेन्द्र यादवले रुजु गर्नका लागि राखिएको मतदाता नामावली केही सुधार भएर च्यातिएपछि होहल्ला गरेको र भीडलाई चितरवितर गर्नका लागि त्यहाँ खटेका सुरक्षाकर्मीले एक राउण्ट हवाई फायर गरेको बताए।

विवाद अहिले समाधान भएर मतदान भइरहेको उनले जानकारी दिए।

यस्तै, जिल्लाको बाँकी मतदानस्थलहरुमा अहिलेसम्म शान्तिपूर्ण रुपले मतदान भइरहेको उनले जानकारी दिए।