चुम्बनका फाइदा र बेफाइदा दुबै छन् । चुम्बनले पनि रोग निम्त्याउन सक्ने चिकित्सकहरु बताउँछन् । तपाई एउटै स्ट्राले कोक पिउनुहुन्छ या एउटै चम्चाले आइसक्रिम खानुहुन्छ भने पनि सावधानी अपनाउनुपर्ने हुन्छ ।

चुम्बनबाट सर्ने यो रोगलाई ‘किसिङ डिजिज’ भनिन्छ ।किसिङ रोग धेरै भाइरसबाट सर्ने गर्छ तर ९० प्रतिशत केसमा यो रोग मानिसको र्‍यालबाट हुने एपस्टेन बार भाइरस (ईबीभी) बाट सर्ने गरेको देखिएको छ ।

यो भाइरस हर्पीज फेमिलीको एक भाइरस हो । चिकित्सकका अनुसार यो रोग आफैँमा सीमित हुने रोग भए पनि उपचार पछि निको हुने बताउँछन् ।

यो भाइरस कसरी सर्छ ?

एपस्टीन बार भाइरसले सामान्यतया युवा र किशोरकिशोरीहरूलाई असर गर्छ । बालबालिकामा सङ्क्रमण भए पनि लक्षणहरू कम देखिन्छन् भने वृद्धहरूमा सङ्क्रमणको जोखिम कम हुन्छ । यो भाइरस रक्तसञ्चार, यौन सम्पर्क, खोक्दा र हाछ्युँबाट सर्छ ।

यसबाट कसरी बच्ने ?

किसिङ रोगको कुनै खास उपचार छैन। यो एक भाइरल रोग हो जहाँ एन्टिबायोटिकले काम गर्दैन ।सामान्यतया यो रोगका लक्षणहरू १ महिनामा कम हुदै जान्छ यो रोगबाट बच्न कुनै खोप बनाइएको छैन ।

घाँटी दुखेको बेला कम बोल्नुहोस्। मनतातो पानीले कुल्ला गर्नुहोस् ।

-मुख र अन्य सरसफाइमा ध्यान दिनुहोस् ।

-परिवारमा कसैलाई पनि जुठा भाँडाकुँडाहरू प्रयोग गर्न नदिनुहोस् ।

-अरू कसैको गिलास प्रयोग नगर्नुहोस् ।

-खाना र ड्रिङ्स अरूसँग शेयर नगरी खानुहोस् ।