१७ असोज २०७९ , सोमबार
उमेश कुमार साह सप्तरी :बोदे बर्साईन।
सप्तरीको बोदे बर्साईन नगरपालिकाले आयोजना गरिएको चौथो मेयर गोल्डकप फुटवल प्रतियोगिताको उद्घाटन भएको छ ।
आज सोमबार देखि आयोजना गरिएको वडादशैँ , दीपावली तथा छठ पर्वको उपलक्ष्यमा संचालित चौथो मेयर गोल्डकप २०७९ उद्घाटन भएको छ। नेपाल सरकारका कृषि तथा पशुपन्छी बिकास मन्त्री माननीय मृगेन्द्र कुमार सिंह यादवको प्रमुख अतिथिमा आज सोमबार खेलको उद्घाटन भएको हो ।
चौथो मेयर गोल्डकप फुटवल प्रतियोगिताको उद्घाटनखेलमा खेलकुद समितिको अध्यक्ष ई.राजु कुमार यादवको अध्यक्षता भएको थियो ।
कार्यक्रमको बिशिस्ठ अतिथि मधेस सरकारका समाजिक बिकास मन्त्री माननीय नवल किशोर साह ,बोदे बर्साईन नगरपालिकाका नगर प्रमुख आतेश कुमार सिंह यादव , उपप्रमुख रेणु कुमारी साह रहेको थियोे ।
उद्घाटन कार्यक्रममा बोल्दै बिशिस्ट अतिथि बोदे बर्साईन नगरपालिकाको नगर प्रमुख आतेश कुमार सिंह यादवले पर्यटन प्रवर्द्धनका निम्ति यो फुटबल प्रतियोगिता उपयोगसिद्ध हुने धारणा राखे । उद्घाटन कार्यक्रमको अतिथिहरुमा जसपा निकट राष्ट्रिय महिला संघको केन्द्रिय सदस्य डा. बबी सिंह , प्रदेश परिषद सदस्य तथा राष्ट्रिय दुग्ध बिकास बोर्ड सदस्य सुरजित कुमार सिंह ,जिल्ला कार्याकारनी सदस्य राजेश्वर राय, युवा केन्द्रिय सदस्य धर्मदेव साह , बोदे बर्साईन नगरपालिकाका वडा अध्यक्ष शिव नारायण यादव ,किरण साह , मो मोजिबुर रहमान , राज कुमार यादव ,तपसी यादव र सुनित कुमार यादव, ईलाका प्रहरी कार्यालय बोदे बारसाईनको प्रमुख गगां राम चौधरी , सशस्त्र बेस क्याम्प बोदे बर्साईनको प्रमुख नवीन अलि , दुर्गा पुजा समितिका अध्यक्ष सन्जिव अग्रवाल लगायत विभिन्न पार्टीका राजनैतिक कर्मी ,कर्मचारी , व्यापारी, बुद्धिजीवी,पत्रकार,महिला तथा स्थानीयको उपस्थित रहेको थियो ।
कार्यक्रमलाई उध्घोसक गर्दै चन्द्रा नमूना मा बिधालयको शिक्षक जितेन्द्र प्रसाद गुप्ता र पत्रकार ई. उमेश कुमार साहले खेलाडीहरु एवं पाहुना दर्शकहरुलाई शब्दद्धारा स्वागत गरेको थियो ।
उक्त प्रतियोगिताको उद्घाटनमा माउन्ट एभरेस्ट बो स्कुलका बिद्यार्थीहरु द्वारा दुइटै टिमका खेलाडीहरुलाई स्वागत गरेको थिए ।
आज भएको पहिलो चरणको उद्घाटन खेलमा बेङ्खाडी युवा क्लब महोत्तरी र सिरहा क्लब बीच भएको अन्तिम समयमा सिरहाले १ गोलको अन्तरले सिरहा टिमले जित हात पार्न सफलभएको छ । सो खेलको उतकृस्ट खेलाडीको रुपमा सिरहा टिमका, जरसी नम्बर ९ का बिकास थापा मगर रहेको थियो।
यो खुल्ला फुटवल प्रतियोगितामा सहभागी हुन विभिन्न नगरपालिका,जिल्ला , प्रदेश बाट राष्ट्र तथा अन्तराष्ट्रिय स्तरका खेलाडीहरु यतीखेर श्री चन्द्रा नमूना मा बिधालयको खेलमैदानमा देखिएका छन् ।
खेल प्रतियोगितालाई हेर्न जिल्लाका विभिन्न भाग लगायत छिमेकी जिल्लाहरुबाट समेत उल्लेखिय संख्यामा दर्शकहरुको भिडलागेको छ ।
खेलमैदान आसपास क्षेत्रमा विभिन्न भागबाट आएका मानिसहरु देशीविदेशी खेलाडीहरुको खेल हेर्न उत्सुकताका साथ जुटेको छन् ।
भोलिको खेल न्यु त्रियुगा स्पोर्ट्स क्लब फत्तेपुर सप्तरी र फ्यूजन फुटबल क्लब,गाईघाट उदयपुरको बीच हुने कुरा खेल समितीका अध्यक्ष ई. राजु कुमार यादवले जानकारी दिनु भएका थिए ।
